Алматы облысында жол апатынан үш адам қаза тапты

ERNUR.KZ. Алматы облысында тасжолда жол апатынан үш адам қаза тапты, деп жазады tengrinews.kz.

Жантүршігерлік жол апаты бүгін түскі уақытта болған. Жол-көлік оқиғасы болған жерде түсірілген суреттер Instagram желісіндегі парақшасында жарияланды. Алматы облыстық ПД мәліметінше, ЖКО салдарынан үш адам қаза болған.

"Жол апаты Алматы - Көкпек - Көктал автожолының 40-шы шақырымында Toyota Highlander және Lada 21014 автокөліктері соқтығысқан. Жол апаты салдарынан үш адам қаза тауып, төрт адам түрлі дене жарақатымен Есік ауруханасына жеткізілді",-делінген баспасөз қызметі таратқан хабарламада.

Зардап шеккендердің арасында екі бала бар. Осы дерекке қатысты қажетті сараптамалар тағайындалған және сотқа дейінгі тергеу шаралары басталды.