Құтқарушылар тұрғындарды қар көшкінін тудырмау үшін тау беткейлеріне шықпауға, сондай-ақ жеке қауіпсіздік шараларын сақтап, тауда жаяу серуендеуден бас тартуға шақырады.
ERNUR.KZ. Алматыдағы Шымбұлақ аумағында қар көшкіні жүрді, деп жазады ҚазАқпарат.
Алматы қалалық төтенше жағдайлар департаментінің мәліметінше, бүгін түскі сағат 12:15 шамасында Алматы тауларында қар көшкіні жүріп, Медеу- Шымбұлақ жолын жауып қалған.
«Түскен қар массасы – 300 текше метр. Қаза болғандар, зардап шеккендер жоқ. Қазір жолды қардан тазалау жұмыстары жүріп жатыр»,- деп хабарлады ведомстводан.
Бұған дейін Алматы қалалық төтенше жағдайлар департаменті «Қазгидрометтің» ескертуі негізінде 5-7 наурыз аралығында Үлкен және Кіші Алматы өзендерінің бассейндерінде қар көшкіні жүруі мүмкін екенін хабарлаған болатын.
Құтқарушылар тұрғындарды қар көшкінін тудырмау үшін тау беткейлеріне шықпауға, сондай-ақ жеке қауіпсіздік шараларын сақтап, тауда жаяу серуендеуден бас тартуға шақырады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
