Алматыда оқушының өлімінен кейін бапкер қызметінен шеттетілді

ERNUR.KZ. Алматыда жаттығу кезінде оқушы қайтыс болу дерегіне байланысты тергеу шаралары аяқталғанша бапкер қызметінен шеттеледі, - деп жазады tengrinews.kz.

Бұл туралы портал тілшісіне Қазақ спорт және туризм академиясының бірінші проректоры Мұхтар Есқалиев айтты. Қайғылы оқиға осы академия қабырғасында болған. Есқалиевтің айтуынша, қайтыс болған бала қазанның ортасынан бастап осында баскетболмен айналысқан. Оның бұрындары басқа секцияларға барған бармағаны белгісіз.

"Жаттығу өткізу залын жеке кәсіпкер жалға алды, бірақ жаттықтырушы біздікі болатын. Ол өте тәжірибелі, тәжірибесі 10 жылдан асқан, спорт ғылымы бойынша PhD докторы. Жаттығу ең қарапайым, жеңіл болды. Баланың жағдайы кенеттен нашарлағанда олар үш адамнан бөлініп ойнап жатқан. Ол шетке қарай шығып, құлаған. Оған дереу алғашқы көмек көрсетіп, жедел жәрдем шақырған", - деді Мұхтар Есқалиев.

Сондай-ақ, Қазақ спорт және туризм академиясының проректоры жаттығуларға балаларды медициналық анықтамасыз жібермейтінін атап өтті.

"Академия қаза тапқан баланың туған-туыстарына көңіл айтады", - деді проректор.

Қоғамдық денсаулық сақтау басқармасының баспасөз қызметі жедел жәрдем сегіз минутта келгенін айтты.

"Шақыру жедел жәрдем қызметіне шұғылдықтың бірінші санаты бойынша келіп түсті, дереу бригада жіберілді. Бала медициналық қызметкерлер келгенге дейін қайтыс болды", - деп қосты басқарма.

Еске салайық, Алматыда жаттығу кезінде өз құрдастарының көз алдында жасөспірім қайтыс болған. Бұл туралы Facebook желісіндегі парақшасында танымал дәрігер Жібек Жолдасова жазды. Оның ұлы осы оқиғаның куәгері болған екен. Әйелдің айтуынша, оқиға жаттығу кезінде болған.

"Ұлымның айтуынша, жаттығу кезінде аса бір жүктеме болмаған, жаттығу әрі қарай ойын ойнадық. Ол бала жүрегін ұстап, отырып қалды да жүріп кетті. Екі жедел жәрдем келді, бірақ құтқара алмады. Жасөспірімдердің жасы 13-15-т және олардан денсаулығы туралы анықтаманы бірінші күннен бастап талап етіледі екен. Барлық балада мұндай анықтама бар, біз ұлымыздың жүрегін УЗИ-ге түсіргенбіз. Кенеттен болған өлім, ең ауыры, әсіресе ата-ана үшін. Кешкі уақытта бапкердің өтініші бойынша, барлығын қайта шақыртып - полицияға куәлік ету үшін шақырылған. Ұлым шок алды - мұның қалай болғанын түсінбей дал? Жанымда жүгіріп, секіріп жүрген еді. Балаларыңыздың денсаулығын бақылаңыздар. Кейде бәрі сіз ойламағандай болып шығады. Жақындарына көңіл айтамын", - деді ол.

Алматы денсаулық сақтау басқармасының өкілдері жасөспірімнің қайтыс болғаны туралы мәліметті растады. Онда баланың жедел жәрдем келгенге дейін қайтыс болғанын айтып, дәрігерлердің ештеңе істей алмағанын айтты. Баланың неден қайтыс болғаны сот медициналық сараптама нәтижесінде белгілі болады.