Ғалымдар пластикті шірітіп жіберетін әдісті ойлап тапты

фото: ekolife.org.ua

Ұлыбританияның ғалымдары зерттеу жұмысы барысында кездейсоқ пластикті шірітіп жіберетін ферментті тапты, деп хабарлайды ERNUR.KZ facenews.ua-ға сілтеме жасап.

Зерттеу жұмысы Жапонияда өтіп жатқан. Пластмассаны өңдеу барысында пластикті шірітіп жіберетін бактерия кездейсоқ мәлім болады. Ол бактерияны жіті зерттеген ғалымдар пластмассаны өңдеу уақытынан әлдеқайда жылдам әсер ететін ферментті ойлап тапты. Бұл туралы Science Alert хабарлаған.

«Бұл күтпеген өнертабыс ендігі жерде қала сыртында тау болып үйіліп жатқан, Жер шарына зиянын келтіретін пластмасса қалдықтарын өңдеуде үлкен жетістіктерге жеткізетін болады», - деп хабарлаған Портсмут университетінің биологы Джон Мак Гихан.

Аталған фермент пластмассаны өңдеу уақытын 20 пайызға арттыратын болады. Ғалымдардың айтуынша, тау болып үйіліп жатқан пластик қалдықтарын мұнан да жылдам өңдеуге қол жеткізуге мүмкіндік туып отыр.