"АрселорМиттал Теміртауда" тағы да төтенше жағдай болды

14.01.2023 13:56

925

Компанияның мәліметінше, бұл оқиға ЖЭО-2 жұмысына әсер етпеген, қазір кәсіпорында жөндеу-қалпына келтіру жұмыстары жүріп жатыр.

ERNUR.KZ. "АрселорМиттал Теміртау" кәсіпорнында жаңа төтенше жағдай болғаны туралы компания мамандары хабарлады, деп жазады Sputnik.kz.

"13 қаңтарда ЖЭО-2 аумағында газ жүретін жол ішінара опырылды. Зардап шеккендер жоқ", - деп жазылған "АрселорМиттал Теміртау" хабарламасында.

Жалпы, "АрселорМиттал Теміртау" компаниясының өндірістік нысандары көптен бері қоғам назарында тұр.

Қаңтар айының басында "АрселорМиттал Теміртау" кәсіпорны аумағында мердігер ұйымның жұмысшысы тоқ соғып қайтыс болды.