Жарысқа 9 команда, нақтырақ айтсақ, Алматы, Ақмола, Қарағанды, Павлодар облыстары, ОҚО, БҚО және Ақтөбе, Астана, Алматы қалаларынан келген спортшылар қатысады.
фото: ulttyqsport.kz
Астанада тұңғыш рет садақ атудан Қазақстан чемпионаты өтеді, деп хабарлайды ERNUR.KZ ҚазАқпарат-қа сілтеме жасап.
ҰОК-нің мәліметінше 27 маусымға дейін жалғасатын дода елорда төріндегі «Жас Батыр» спорттық кешенінің базасында ұйымдастырылады. Жарысқа 9 команда, нақтырақ айтсақ, Алматы, Ақмола, Қарағанды, Павлодар облыстары, ОҚО, БҚО және Ақтөбе, Астана, Алматы қалаларынан келген спортшылар қатысады. Елордамызда тұңғыш рет өткелі отырған чемпионаттың ашылу салтанаты 22 маусым күні сағат 12:00-ге жоспарланған.
Садақ атудан Қазақстан құрамасының жетекшісі Еділ Темірбековтің айтуынша, ел чемпионатынан соң Азия ойындарына қатысатын команда жасақталып, Жазғы Азиадаға тыңғылықты дайындық басталады.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
