14 мамыр күні көше күзетінен келген соң әскери бөлімнен қашып кеткен 18 жастағы сарбаз Бағлан Әділбеков екі аптадан кейін, маусым айында үйіне қайтуы тиіс болған.
ERNUR.KZ. 16 мамырда ҚР Ұлттық ұланы «Батыс» өңірлік қолбасшылығына қарасты 6656 әскери бөлімінің командирі Марат Рахпанов іздеу шаралары жалғасып жатқанын айтты, деп жазады azattyq-ruhy.kz.
Әділбеков сенбіден жексенбіге қараған түні Ақтау қаласындағы қоғамдық тәртіп пен қауіпсіздікті қорғау мақсатында әскери қызметке кіріскен. Ол сағат 17:00-ден 23:00-ге дейін кезекшілікте болған. Содан кейін жігіт құрал-жабдықтары мен арнайы киімін өз әскери нарялының патрульдік қызметкерлеріне тапсырып, қызмет орнынан шығып кеткен.
«Оның неліктен әскери бөлімнен кетіп қалғаны және басқа да мән-жайлар қазір анықталып жатыр. Бір жарым күн бойы оны іздеу жұмыстары еш н»тиже бермеді. Бірақ әскери бөлім қызметкерлері жанжалды жағдайларды жоққа шығарады, әскери полиция басқармасы жедел-тергеу шараларын жүргізді», - деді Марат Рахпанов.
6656 әскери бөлімінің командирі сарбаздың қызмет мерзімі аяқталуға жақын қалғанын – оның запасқа алынуына екі апта қалғанын, 2 маусымда үйіне қайтуы тиіс екенін айтты. Әскери бөлімдегі қызметін еш мінсәіз атқарғанын да атап өтті.
«Командирлермен және оларға бекітілген әскери қызметші әйелдермен әңгімелесу барысында оның ешқандай жағымсыз әдеттері, нашар мінез-құлығыболмағаны анықталды, жігітке оң сипаттама берілді», - деді Марат Рахпанов.
Бағлан Әділбековтің туыстары Ақтөбеден Ақтауға келген. Әскери бөлім командирінің айтуынша, ол қамқорлығындағы баланың анасымен кездескен. Әйелдің өзі ұлымен ұзақ уақыт араласпаған.
«Ол сарбаз бізге ешқандай өтініш пен арызбен жүгінген емес, біз үшін бұл әрекеттің себебі белгісіз және әлі анық емес. Бұл мәселе бойынша жоғары тұрған қолбасшылықпен қызметтік тергеу тағайындалды, тергеудің мән-жайын, себептерін және нәтижесін аға командир анықтайды», – деді Марат Рахпанов.
Тәртіптік тексеруден кейін кейбір лауазымды тұлғалар жазалануы мүмкін.
