Сырым ауданының білім бөлімі 26 білім беру ұйымының 1195 қызметкеріне жалпы сомасы 259 млн теңгеге үстемеақы төлемеген.
ERNUR.KZ. Батыс Қазақстан облысында педагогтерге 250 млн теңгеден астам тиісті үстемақы төленбеген, деп жазады sputnik.kz.
Сыбайлас жемқорлыққа қарсы қызмет мониторинг кезінде Сырым ауданының педагогтеріне белгіленген міндетті 259 млн тенге сомасына үстемеақы төлемеу фактілерін анықтаған.
"Сырым ауданының білім бөлімі 2020-2023 жылдар кезеңінде 26 білім беру ұйымының 1195 қызметкеріне жалпы сомасы 259 млн теңгеге ерекше еңбек жағдайлары үшін лауазымдық жалақының 10% мөлшерінде үстемеақы төлемеген. Департаменттің араласуымен Сырым ауданының білім бөлімі тарифтік тізімге өзгерістер енгізіп, жалақыны қайта есептеді, кінәлі тұлғалар тәртіптік жауапқа тартылды", - дейді ведомство.
Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне, еңбекақы төлеу жүйесіне сәйкес ерекше еңбек жағдайлары үшін лауазымдық жалақының 10% мөлшерінде үстемеақы белгілеу қажет, дейді облыстық антикор.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
