БҚО-да 19 жастағы қыз жаңа туған сәбиін пакетке салып, әжетханаға тастаған

ERNUR.KZ. Батыс Қазақстан облысында жас қыз жаңа туған сәбиін әжетханаға салып жіберген, деп жазады ҚазАқпарат.

Оқиға 23 қараша күні Қазталов ауданы Жаңажол ауылында болды.

Ауыл тұрғындарының сөзіне қарағанда, осында тұратын 19 жастағы қыз босанғаннан кейін шақалақты пакетке салып, дәретханаға лақтырған. Қазір өзі ауруханада жатыр.

Колледжде қашықтан оқып жатқан қыз толық отбасында тәрбиеленген. Үш баланың үлкені.

Қазталов аудандық полиция бөлімінің бастығы Әзілхан Қайырханов оқиғаны растады.

Сот-медициналық сараптама тағайындалған.

Қазіргі кезде ҚР ҚК 100-бабына сәйкес сотқа дейінгі тергеу амалдары жүргізілуде.