Синоптиктер бірнеше өңірде жауын-шашын болып, қатты жел соғады, ал басқа облыстарда түнде үсік жүріп, ауа температурасы төмендейтінін мәлімдеді.
Қазақстанның тоғыз облысы мен Нұр-Сұлтан қаласында ескерту жарияланды, деп хабарлайды ERNUR.KZ.
Нұр-Сұлтан қаласында күндіз 3 мамырда найзағай күтіледі. Желдің екпіні күндіз 15-18 м/с болады.
Елордада 4 мамырда түнде жауын-шашын (жаңбыр, қар) күтіледі. Солтүстік-батыстан жел соғады, түнде екпіні - 15-18 м/с. 4-5 мамырда түнде ауа температурасы 1-3 градус аязға дейін төмендейді.
3 мамырда түнде Қостанай облысында жауын-шашын (жаңбыр, қар) жауады. Солтүстік-батыс, солтүстіктен соғатын желдің жылдамдығы түнде кей жерлерде, күндіз басым бөлігінде секундына 15-20 метрге жетеді. Түнде кей жерлерде тұман түседі. 4-5 мамырда түнде ауа температурасы 1-6 градусқа дейін төмендейді.
Батыс Қазақстан облысының кей жерлерінде 3 мамырда түнде 2 градусқа дейін үсік жүреді.
4 мамырда Ақтөбе облысында түнде ауа температурасы 1-6 градусқа дейін төмендейді.
4-5 мамырда Ақмола, Солтүстік Қазақстан, Қарағанды облыстарында түнде жауын-шашын (жаңбыр, қар) болады. Солтүстік-батыстан секундына 15-20 метр жел соғады. Ауа температурасы түнде 1-6 градусқа дейін төмендейді.
4 мамыр күні Павлодар облысында түнде кей жерлерде жауын-шашын (жаңбыр, қар) жауады. Кей жерлерде тұман, көктайғақ болады. Солтүстік-батыстан жылдамдығы секундына 15-20 метр болатын жел соғады. Ауа температурасы күндіз 7-12 градусқа дейін төмендейді. 5 мамырда түн 1-6 градусқа дейін суытады.
4 мамыр күні Шығыс Қазақстан облысында күн күркіреп, бұршақ жаууы мүмкін. Солтүстік-батыстан секундына 15-20 метр болатын жел соғады. Кей жерлерде қар, боран, тұман болжанды. Ауа температурасы түнде 1-6 градусқа дейін төмендейді.
Нұр-Сұлтанда 3 мамырда күн күркірейді. 4 мамырда түнде жауын-шашын (жаңбыр, қар) болады. Солтүстік-батыстан жел соғады, түнде екпіні секундына 15-18 метрге жетеді. 4-5 мамырда түнде ауа 1-3 градусқа дейін суиды.
3 мамырда Түркістан облысында түнде таулы аудандарда жаңбыр жауады. Кей жерлерде найзағай соғып, дауыл көтеріледі.
