Декретте отырған келіншектер жиналып, үнді салтымен ойын-сауық құрды - видео

ERNUR.KZ. Астанада Болливуд стиліндегі мерекелік кешке жүзден астам жас ана қатысты. Декретте отырған елордалық келіншектер үндіше ойын-сауық ұйымдастыруды жөн көріпті, деп жазады sputniknews.kz.

Қатысушылардың бірінің сөзіне сүйенсек, мереке үшін Астанаға Қарағанды, Алматы, Мәскеу және Санкт-Петербург қалаларынан қонақтар арнайы келді.

Bollywood party кешіне 130 әйел қатысқан. Олардың басым көпшілігі үнді киімін киіп, қынамен боянған.

Кеш бойы үнді әуендері үзілмей, залдың безендірілуі, тәтті-дәмділердің бәрі Үндістан елін еске салды. Қатысушылар флешмоб жасап, үнді биін биледі.

Ұйымдастырушылар осындай кештерді әртүрлі тақырыпта өткізіп отыруға уәде береді.