Елімізде 5 кинотеатр қызметін тоқтатты

ERNUR.KZ. Еліміздегі 5 кинотеатр қызметін тоқтатты. Былтыр төртеуі жабылса, биыл тағы біреуі қаржылық қиындыққа төтеп бере алмады. Сөйтіп Қазақстан бойынша 114 кинотеатрдың 109-ы ғана жұмыс істеп тұр, деп жазады Atameken Business.

Әрине, бұл біріншедін пандемияның салдары. Тұрғындардың қауіпсіздігін қамтамасыз ету мақсатында кинотеатрлардың жұмыс істеуіне шектеу қойылғаны есте. Ол талап әлі де алынған жоқ. Мәселен, бүгінгі күні қызыл аймақтағы кинотеарлар көрермендердің тек 30 пайызын қабылдайды. Ал сары аймақтағылар 40, жасылдағылар 50 процент көрерменді кинозалға кіргізе алады.

Саладағы кәсіпкерлер түйткілдің түйіні тарқамаса, биыл да кинотеартлар жабылуын жалғастырады дейді. Бұдан бөлек тағы бірқатар фактор кинокөрермендердің санын азайтуы мүмкін.

Қазақстан кинотеатрлар қауымдастығының президенті Мунира Ягудина қазір «Кино туралы» заңға өзгерістер енгізу үшін, талқылаулар басталғанын айтты. Яғни, енді қазақ тіліндегі фильмдер тек прайм-тайм уақытта көрсетеді. Кәсіпкердің сөзінше бұл талап жағдайды одан әрі қиындатады.