Астанадағы Жетісу саябағында Бердібек Соқпақбаевтың повесі бойынша "Қазақфильм" киностудиясы түсірген "Менің атым Қожа" фильмінің бас кейіпкері - Қожаға ескерткіш орнатылды.
ERNUR.KZ. Бүгін балалар күні мерекесіне орай ескерткіштің салтанатты ашылуы болды, деп жазады exk.kz.
Ескерткіштің жалпы биіктігі 1 метр 83 сантиметр. Гранит және қола материалдардан жасалған. Мүсінші — Талапхан Азамат, ал идея авторы — Мұрат Қожамқұлов.
Журналист-жазушы Жанболат Аупбаев республикалық басылымдардың біріне "Менің атым Қожа" кітабының кейіпкеріне ескерткіш қою керек" деген мақала жазған. Осыдан кейін бұл іс қолға алынып, бүгін тұсауы кесілді.
"Менің атым Қожа" — 1957 жылы жазылған, қазақ балалар әдебиетінің озық туындыларының бірі саналатын повесть. Авторы — балалар әдебиетінің классигі Бердібек Соқпақбаев. Ол украин, француз, литва, латыш, өзбек, орыс тілдеріне аударылған. Ал 1963 жылы осы шығарма бойынша жазылған киносценариймен аталған фильм экранға шықты.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
