Елордада Qazforum 2020 басталды

ERNUR.KZ. Елордада жыл сайын өтетін қазақтілді онлайн контент жасаушылар форумы - медиа сарапшылар, журналистер, бас редакторлар, блогерлер мен влогерлердің басын қосатын алаң. Форум биыл төртінші рет ұйымдастырылып отыр, деп жазады egemen.kz.

Жыл сайын форумда қазақтілді медиа саласындағы үздік сарапшылар, журналистер, блогерлер мен влогерлер, веб-сайттардың бас редакторлары кәсіби тәжірибесімен бөліседі.

Қатысушылар қазақтілді онлайн контенттен ақша табу, Қазақстан медиа нарығын дамыту мәселелерін талқылайды.

Сондай-ақ жетекші медиа сарапшыларының қатысуымен шеберлік сабақтары мен тренингтер өтеді.

Форумды еліміздегі АҚШ елшілігі мен Қазақстан Баспасөз клубы ұйымдастырады.

Шара қонақтары National Geographic Qazaqstan ұсынған фотосуреттер көрмесін тамашалауға мүмкіндік алды.