"Ирина Қайратовна" мобилографының қазасы: ресми себебі расталды

0
795

"Ирина Кайратовна" тобының мобилографы 14 қазан күні Астанадағы концерт кезінде кенеттен қайтыс болды.


ERNUR.KZ. Астананың Денсаулық сақтау басқармасы өкілдері "Ирина Кайратовна" тобының концерті кезінде мерт болған 21 жастағы мобилографтың өлімінің себебін айтты, деп жазады tengrinews.kz.

Басқарманың баспасөз қызметінің мәліметінше, сот-медициналық сараптама нәтижесі бойынша 21 жастағы мобилографтың өлімінің себебі анықталған.

"Өлімнің алдын-ала себебі "жедел геморрагиялық панкреонекроз" токсикологиялық зерттеу нәтижелерімен расталды", - дейді басқарма өкілдері.

Еске салайық, "Ирина Кайратовна" тобының мобилографы 14 қазан күні Астанадағы концерт кезінде кенеттен қайтыс болды. Жас жігіт топ сахнаға шықпас бұрын көрермендердің көңілін көтеріп тұрған диджейді видеоға түсіріп жатқанда есінен танып құлап қалған.

Сахнадағы жігітке адамдар жүгіріп келіп, оны сыртқа шығара бастаған. Шамамен 30 минуттан кейін топ мүшелері сахнаға шығып, мобилографтың қайтыс болғанын хабарлады. Концерт тоқтатылды.

Желіде "Ирина Кайратовнаның" концертінде қайтыс болған мобилографтың соңғы видеосы тарады.