Қазақ көкпаршылары Ресейді жеңіп, финалға өтті

0
315

Қазақстан көкпаршылары ертең Қырғызстан командасымен алтын жүлде үшін таласқа түсетін болады.


Қазақ көкпаршылары Ресейді жеңіп, финалға өтті

ERNUR.KZ. «Қазанат» ипподромында Қазақстан мен Ресей көкпаршылары жартылай финалда өнер көрсетіп, қазақстандық шабандоздар ақтық додаға өтті, деп жазады inform.kz.

Қазақстан құрамасы бұл ойында, 18 салым салса, ресейлік көкпаршылар серкені шеңберге небәрі 2 рет қана дүп тастай алды.

Сонымен қорытынды есеп — 18:2.

Қазақстан көкпаршылары ертең Қырғызстан командасымен алтын жүлде үшін таласқа түсетін болады.
Еске салайық, кеше қазақстандық шабандоздар америкалық көкпаршыларды 12:4 есебімен ұтса, іріктеу кезеңінде Өзбекстан құрама командасын 16:0 есебімен айқын жеңген еді.

Бұған дейін ҚР көкпар құрама командасының капитаны Тұрғанбек Құрманбек Қазақстан құрамасының басты қарсыласы — қырғызстандық көкпаршылар екенін айтқан болатын.