Қазақстанда енді несиені тек биометрия өткен жағдайда ғана береді

Мұндай нормалар "Қазақстан Республикасының кейбір заңнамалық актілеріне несие беру кезінде тәуекелдерді азайту, қарыз алушылардың құқықтарын қорғау, Қаржы нарығын реттеу және Атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы" заңға енгізілген.

"Заңды талқылау барысында келесі ескертулер мен ұсыныстар пайда болды. Қаржы нарығын реттеу және дамыту агенттігінің қызметін қаржыландыруды Ұлттық Банктің бюджетінен қаржыландыруға көшумен, Агенттіктің Ұлттық Банктің қағидалары бойынша сатып алу және бухгалтерлік есеп жүйесіне параллель көшуімен республикалық бюджет шығыстарының құрамынан алып тастау ұсынылады. Осы түзетулердің қабылдануына байланысты Заңның тақырыбын сәйкестендіру ұсынылады", - деді сенатор Сергей Карплюк.

"Электрондық банктік қарыз" жаңа тұжырымдамасын енгізу алынып тасталады, себебі бұл тұжырымдама қолданыстағы заңнаманың тиісті нормаларында көзделген.

Мерзімді әскери қызмет өткеру кезеңіне қарызды өтеу бойынша заңда көзделген кейінге қалдыруды 60 күнге ұзарту ұсынылады. Бұл әскерден қайтқан қызметшіге оның жұмысқа орналасуы мен төлем қабілеттілігін қалпына келтіру үшін тиісті уақыт беруге мүмкіндік ретінде қарастырылған.

Бұдан басқа, осы түзетуге байланысты ипотекалық шарттар, жылжымалы және жылжымайтын мүлік кепілі шарттары бойынша қосымша келісімдер жасасу жөніндегі жекелеген талаптарды "мерзімділерге" таратпау ұсынылады.

Биометриялық сәйкестендірусіз электрондық банктік қарыз беруге тыйым салыну ұсынылды.

Ұлттық банк қызметкерлерінің Өкілдер Кеңесіне қосылуына байланысты банк және микроқаржы омбудсменін сайлау кезінде қосымша талаптар белгіленеді.

Мемлекеттің қатысуымен кредиттік бюролардың қызметін реттейтін нормалар нақтыланады, сондай-ақ коллекторлар кредиттік бюроға беретін қосымша мәліметтер көзделеді.

Ломбардтармен олардың қызметінің ерекшелігіне байланысты шарт жасасу кезінде кредиттер алудан ерікті түрде бас тартуға байланысты нормалар сәйкестікке келтіріледі.

"Резидент емес банктердің филиалдары мен "Астана" халықаралық қаржы орталығының банктері синдикатталған кредиттеуге қатысушылардың құрамын Қазақстан экономикасына инвестициялауға қосымша мүмкіндік беру мақсатында синдикатталған қаржыландыруға қатысуға рұқсат етілген тұлғалар тізбесіне толықтырады. Сонымен қатар, оның талаптары да нақтыланады", – деді сенатор.

Сенаторлардың түзетулеріне байланысты құжат мәжіліске қайтарылды.