Қазақстанда газ бағасына мемлекеттік реттеу енгізіледі

ERNUR.KZ. Мәжіліс депутаттары газ бағасын мемлекеттік реттеуді көздейтін «ҚР кейбір заңнамалық актілеріне сұйытылған газ айналымын реттеу процестерін оңтайландыру мәселелері бойынша өзгерістер мен толықтырулар енгізу туралы» заң жобасын бірінші оқылымда мақұлдады, деп жазады zakon.kz.

Заң жобасын депутаттар сұйытылған мұнай газының айналымын реттеудің заңнамалық базасын өзгерту мақсатында әзірлеген.

"Сұйытылған мұнай газының бағасы 2022 жылдың қаңтарында наразылық акцияларының шартты триггеріне айналды. Бағаның тұрақсыздығы, басқалармен қатар, саланың кең тараған бұлыңғырлығы, жосықсыз делдалдық, көлеңкелі экспорттың үлкен көлемі және соның салдарынан болған отын тапшылығына алып келді", - деді Парламент Мәжілісінің депутаты Екатерина Смышляева.

Оның айтуынша, заң жобасы сұйытылған газ нарығындағы барлық процестерді барынша автоматтандыруға және цифрландыруға бағытталған. Нарық субъектілері фискалдық деректер операторына көлемдер, баға және бөлшек сауданың нақты орны туралы ақпаратты беруге міндетті болады. Көтерме ағындар туралы мәліметтерді алу үшін сұйытылған газ тауарлардың шот-фактураларымен бірге жүруі қажет тауарлар тізіміне енгізіледі.

Сондай-ақ сұйытылған газ нарығының инфрақұрылымдық объектілерінің – өндірістік кешендердің, жанар-жағармай құю станцияларының, газ толтыру пункттерінің және басқаларының функционалдық мүмкіндіктері нақтыланды, жергілікті атқарушы органдардың облыс ішінде газ лимитін бөлуге жауапкершілігі күшейтілді.

Саланы цифрландырудан кейін деректерді талдау негізінде ақпараттық жүйеде тарату процесі жүреді деп күтілуде.

2022 жылдың қаңтар айының басында Қазақстан қалаларында сұйытылған газ бағасының көтерілуіне байланысты жаппай наразылық шерулері жаппай тәртіпсіздікке ұласты. Президент үкіметтік комиссия құрып, газ бағасын төмендету туралы шешім қабылдады. Соған қарамастан наразылықтар жалғасты. 5 қаңтарда Қасым-Жомарт Тоқаев үкіметтің отставкасын қабылдады.

Кейбір қалаларда рұқсат етілмеген әрекеттер қауіпсіздік күштерімен қақтығыстарға, погромдар мен тонауға ұласты. Елде төтенше жағдай режимі енгізілді.