Қазақстанда қаржы пирамидасының белгілері бар тағы бір компания анықталды

ERNUR.KZ. Қазақстанда қаржы пирамидасының белгілері бар тағы бір компания анықталды, деп жазады Tengrinews.kz.

"Қаржы мониторингі агенттігінің Ақмола облысы бойынша аумақтық департаментінің қызметкерлері River Coins Limited компаниясына 2020 жылдың шілдесі мен 2021 жылдың мамыры аралығында заңсыз ақша жинау дерегі бойынша соталды тергеуді бастады. Тергеу компанияның төлем жүйесі айналым принципі бойынша жұмыс істейтінін анықтады. Бірінші деңгейлі салымшылар сыйақыны жаңа салымшылардың жарналарын қайта бөлу арқылы алады", - деді министрлік.

Сондай-ақ, ведомство компанияның Қазақстанда кәсіпкерлік субъектісі ретінде тіркелмегенін, банк операцияларына – қаражат тартуға және сыйақы төлеуге лицензиялары мен рұқсаттары жоқ екенін түсіндірді.

"Қаржылық пирамидалар нақты инвестицияны талап етеді және қаражат қысқа мерзімде қайтарылатынына кепілдік береді. Сонымен қатар, қаржы пирамидаларының маңызды ерекшелігі - қаржы нарығын реттеу және дамыту агенттігінің ақша тартуға лицензиясының болмауы", - деп түсіндірді агенттік өкілдері.

Қазір бұл факт бойынша тергеу жүріп жатыр.

Бұған дейін Incruises Қазақстандағы қаржы пирамидасының белгілері бар компаниялар тізіміне енуі мүмкін екені хабарланған болатын.