Бұл өзгеріс халыққа көлік меншігін тіркеуге мүмкіндік жасайды.
ERNUR.KZ. Мәжіліс екінші оқылымда өзгеріс енгізілген Салық кодексін мақұлдады. Мұнда шетедік көліктерді заңдастыруға арналған бірыңғай тіркеу алымы белгіленген, деп жазады stan.kz.
Депутаттар енгізген өзгеріске сәйкес 2022 жылдың 1 қыркүйегіне дейін ел аумағына кіргізілген көліктерді заңдастыру кезінде бірыңғай тіркеу алымы 200 мың теңге болады.
"Бұл толықтыру президенттің 1 қыркүйектегі Қазақстан халқына жолдауы кезінде айтылған тапсырмасын орындау аясында дайындады. Президент бұл көлік категориясы үшін утиль және тіркеу алымын 200-250 мың теңгеден асырмауды айтқан", – деді мәжіліс депутаты Сергей Симонов.
Оның сөзінше, бұл өзгеріс халыққа көлік меншігін тіркеуге мүмкіндік жасайды. Ал көлік категориясын, тіркеу реті мен шарттарын, мерзімін Үкімет белгілейді екен.
