Қазақстандағы сарбаздар арасындағы суицидтің ықтимал себептері айтылды

Бізде қызметке 18 жастағылар келеді. Оларда қазірдің өзінде 9 миллион теңге сияқты несиесі бар. Арасында кейбірі тұтынушылық несие. Сонымен қатар триггер болатын, әсер ететін көптеген әлеуметтік мәселелер бар. Мұның себебін бір сөзбен айту қиын, өйткені әр жағдай әртүрлі. Суицид жасауға бір себеп болды деп жалпылама айтуға болмайды.Қорғаныс министрінің орынбасары Дархан Ахмедиев

Ол 2022 жылдың бес айында бас әскери-медициналық басқарманың статистикасы бойынша Қазақстанда 4318 суицид тіркелді. Оның төртеуі қарулы күштер қатарында екенін айтты. Өз-өзіне қол жұмсау әрекеттері – 4019, оның ішінде жетеуі қарулы күштерде.

Ахмедиевтің айтуынша, Қорғаныс министрі Қарулы күштердегі жазатайым оқиғалардан емес, өз-өзіне қол жұмсау оқиғаларынан болатын өлімді барынша азайту міндетін қойды.

Өсу динамикасы бар. Бірақ анықтама көрсеткендей керісінше суицидтердің қалыпты өсімі жоқ. Арнайы жұмыс тобы құрылып, суицидтің себептерін егжей-тегжейлі зерттеп, мұндай жағдайларды барынша азайту бағытында жұмыс атқарып жатыр. Бұл – күрделі жұмыс. Сондықтан мұндай фактілердің алдын алу шараларын әзірлеу мақсатында жұмыс тобына әскерилер ғана емес, азаматтық қоғам өкілдері де кіреді.Дархан Ахмедиев

Сонымен қатар вице-министр бұл бағыттағы жұмыстың бір бөлігі әскери бөлімдерде цифрландыру арқылы жүзеге асырылатынын айтты.

Цифрландыруға қатысты қандай ұсыныс бар? Әскери бөлімдерді орталық пунктте сарбаздардың қимыл-қозғалысын көрсететін бейнекамералармен жабдықтау арқылы тапсырманы жеңуге көмектесетін жұмысқа қазақстандық IT-компаниялар тартылды. Сонымен қатар сарбаздардың қозғалысын, жүрген орны мен пульсін бақылайтын білезіктерді пайдалану ұсынылады. Егер сенсор сөніп қалса, командирлер осы жерге барып, тексеру жүргізе алады. Суицидке бейімділігін анықтау үшін психологиялық тесттер әзірленді, – деп түйіндеді Дархан Ахмедиев.