Қазақстандық ұшақтың дауыл кезінде Лондон әуежайына қонған сәті видеоға түсіп қалған

ERNUR.KZ. Қазақстандық әуе компанияның ұшағы тұрақсыз ауа райында Лондонның Хитроу әуежайына "шайқалып" әрең қонған, деп жазады tengritravel.kz.

Ұшақтың экстремалды түрде қонған видеосы BBC News Instagram каналында жарияланды.

Air Astana әуе компаниясы видеоға қатысты түсініктеме берді. Олардың дерегіне сәйкес, бұл 2024 жылдың 2 қаңтарында болған. "Алматы-Лондон" бағытындағы А321LR ұшағы қолайсыз ауа райына қарамастан Лондон әуежайына қонған.

2024 жылдың 2 қаңтарында әуе компанияның ұшағы Лондон әуежайына қонар кезінде жылдамдығы сағатына 67-90 шақырымға жететін қатты дауыл соғып тұрды. Бұл ұшақтың қонуы кезінде жоғары турбуленттілікті туындатты, - дейді компанияның баспасөз қызметінің өкілдері.

Жергілікті БАҚ деректеріне сәйкес қолайсыз ауа райы Ұлыбритания аумағында көліктің барлық түрінің жұмысында қиындық туғызды. Мәселен Хитроу әуежайында бірнеше рейсті басқа әуежайларға бағыттауға мәжбүр болған.