Қазақстандықтар енді Шри-Ланкаға визасыз бара алады

22.08.2024 17:41

355

2024 жылдың 1 қазанынан бастап 35 елдің азаматтарына Шри-Ланкаға визасыз кіруге рұқсат беріледі.

ERNUR.KZ. Шри-Ланка билігі 35 елмен, оның ішінде Қазақстанмен визалық режимді жою туралы шешім қабылдағанын мәлімдеді, деп жазады zakon.kz.

Бұл туралы елдің министрлер кабинетінің шешімі туралы Dailymirror жазды. 2024 жылдың 1 қазанынан бастап 35 елдің азаматтарына Шри-Ланкаға визасыз кіруге рұқсат беріледі.

Елдер тізіміне Қазақстан, Ресей, Германия, Нидерланды, Австралия, Үндістан, Қытай, Жапония, Канада, Испания және тағы басқа мемлекеттер кіреді.

2023 жылы Қазақстан Республикасының Президенті Қасым-Жомарт Тоқаев Шри-Ланка Президенті Ранил Викрамасингхемен кездесуінде визалық режимді жеңілдету және елдер арасында тікелей тұрақты әуе қатынасын орнату маңыздылығына назар аударды.