"Қазпошта" АҚ-ның бұрынғы төрағасы Сәкен Сәрсенов басқа жұмысқа ауысуына байланысты қызметінен босатылды.
Қанат Алпысбаев "Қазпошта" АҚ басқарма төрағасы болып тағайындалды, деп хабарлайды ERNUR.KZ.
"Самұрық-Қазына" ұлттық әл-ауқат қоры» АҚ басқармасының шешімімен Қанат Алпысбаев "Қазпошта" АҚ басқарма төрағасы болып тағайындалды. Бұған дейін Қанат Алпысбаев "Самұрық-Қазына" қорының логистика және халықаралық ынтымақтастық жөніндегі басқарушы директоры қызметін атқарған, 2008-2018 жылдары "Қазақстан темір жолы" ҰК" АҚ-да түрлі лауазымдарда жұмыс істеген. Алматы теміржол көлігі инженерлері институтын бітірген" - деп хабарлады қордың қоғаммен байланыс және маркетингтік коммуникациялар департаменті.
Бұған дейін "Қазпошта" АҚ басқарма төрағасы қызметін атқарған Сәкен Сәрсенов басқа жұмысқа ауысуына байланысты қызметінен босатылды.
![](/assets/thumbnails/8a/8ab29b1086dbccae173d4a9ea4cf6b25.jpg ""Жас қыздың жетегінде жүр": күйеуі опасыздық жасаған келіншек не істерін білмей жүргенін айтты")
