Оқиға "Қорғас" ШЫХО аумағында қыркүйектің 6-сы күні болды. Төбелеске қатысқан 20-26 жас аралығындағы 12 жергілікті тұрғын ұсталды.
ERNUR.KZ. Желіде "Қорғас" шекара маңы ынтымақтастығы халықаралық орталығы (ШЫХО) аумағында болған қақтығыстың видеосы пайда болды, деп жазады stan.kz.
"Кейбір дереккөздердің хабарлауынша, "Қорғас" ШЫХО-да белгісіз біреулер мен учаскелік полиция қызметкерлерінің қатысуымен тағы да төтенше жағдай орын алды. Алайда белгісіз себептермен құқық бұзушыларды ұстамай отыр", - делінген видео астындағы жазбада.
Жетісу облысының полиция департаменті жағдайға қатысты түсініктеме берді. Сонымен бірге, департамент төбелеске қатысушылардың барлығы ұсталды - 20-26 жас аралығындағы жергілікті тұрғындардан 12 адам ғана ұсталды. Олар аудандық полицияның уақытша ұстау изоляторына қамалды.
"Оқиға "Қорғас" ШЫХО аумағында қыркүйектің 6-сы күні болды. Төбелеске қатысқан 20-26 жас аралығындағы 12 жергілікті тұрғын ұсталды. Олар аудандық полицияның уақытша ұстау изоляторына қамалды. Тергеу ҚР Қылмыстық кодексінің 293-бабы (Бұзақылық) бойынша жүргізілуде. Оқиға орнынан травматикалық тапанша тәркіленіп, қылмыстық іс материалдарына қосылды. Тергеу амалдары облыстық департаменттің бақылауында", - делінген хабарламада.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
