Қостанай облысындағы бір ауылда төтенше жағдай жарияланды

Ауылға су құбырын жүргізу жұмыстары 3 жыл бұрын басталған. Алайда өскемендік мердігер өз ісіне немқұрайлықпен қарап, соңғы 4 айда құрылыс-монтаж жұмыстарын мүлдем тоқтатқан. Соның салдарынан елдімекендегі 500 үй сусыз қалайын деп тұр. Ал мердігерді ауыстырып, қайтадан байқау жариялау ұзаққа созылып кетеді.Сондықтан аудан басшылығы төтенше жағдай жариялауға мәжбүр болып отыр.

«Шамамен 75-80 пайызға бітіп тұр.Бірақ оның орындалуы және сапасы әлі бізге белгісіз.Қалған жұмсытарды біз екі-үш аптада бітіруге дайынбыз.Бірақ мына жасалынған жұмыстың сапасын бәрін тексеріп болғанан кейін қарастырамыз.Ол жұмысты да қалдырып кетпейміз. Оның бәрін дұрыстаймыз», - деді Қостанай ауданының әкімі Берік Таңжарықов.