Жергілікті тұрғындар волейбол алаңының жағдайына көптен бері шағымданып келген.
ERNUR.KZ. Қостанай қаласының тұрғындары волейбол алаңының жағдайына наразылық білдрді. 29 мамырда "Аэропорт" ықшамауданындағы №5 үйден алыс емес жерде 17 жастағы жасөспірім волейбол алаңында тозығы жеткен металдарға басын кесіп алған, деп жазады stan.kz.
Жергілікті тұрғындар волейбол алаңының жағдайына көптен бері шағымданып келген. Айтуларынша алаң мүлдем құлайын деп тұр. Тұрғындар оны өз беттерімен ретке келтіруге тырысуда.
“Міне, салдары осындай. Кеше кешке ол достарымен алаңда ойнаған еді. Өзі кәсіби волейболшы. Доп дуалға қарай домалап кетіп, алып, тұруға ұмтылған кезінде, шығып тұрған сымдарға басын жарақаттаған. Біз дереу жедел жәрдем бөлміне барып, жарақатын тіктірттік", - дейді зардап шегушінің әпкесі.
Жеткіншектің туыстары сервистік компанияға жүгініп, торды біраз уақытқа жинап тастаған. Оқиға орнына учаскелік полиция қызметкері де барып, оқиғаның деректерін жазып алған. Жергілікті тұрғындар ойын алаңының басқа балалар зардап шеккенге дейін уақытша жабылғанын қалайды.
