​Қырғызстанда қылмыс жасаған ұры терезеге қыстырылып қалды

ERNUR.KZ. Қырғызстанда дүкен тонауға түскен ұры терезеге қыстырылып қалды, деп жазады ҚазАқпарат.

Тәртіп сақшыларының мәліметі бойынша, 2019 жылдың 19 сәуірінде Сокулук аудандық ІІБ-нің учаскелік инспекторы қызметі барысында Новопавловка ауылында азық-түлік дүкеніне ұрлыққа түскен жас жігітті оқиға кезінде ұстап алған. Ол дүкеннің кішкентай терезесіне қыстырылып қалған.

Тергеу барысында тәртіп сақшылары күдіктілердің аты-жөндерін анықтады. Олар 16 және 15 жастағы кәмелетке толмағандар болып шықты.

«Милиция қызметкерлері олардың осыған ұқсас басқа да қылмыстарға қатысының бар-жоқтығын тексеріп жатыр», - делінген хабарламада.