Қызылорда облысында жүк көлігінің тіркемесі жолаушылар автобусына соғылған

Аталған оқиғаның видеосы әлеуеттік желіде тарады.

Облыстық полиция департаменті ақпаратты растап, бұл жайтқа қатысты пікір білдірді.

"26 қарашада сағат 18:50 шамасында Қызылорда облысы Жалағаш ауданы Аққұм ауылы тұсында, Шымкент – Самара тасжолы бойында "КаМАЗ" автокөлігінің тас тиелген тіркемесі босап кетіп, қарсы бағытта Шымкент қаласына бара жатқан автобусқа соқтығысқан", - делінген ПД хабарламасында.

Оқиға салдарынан 4 автобус жолаушысы түрлі дене жарақаттарымен аудандық ауруханаға түскен.

"Оқиға бойынша ҚР ҚК-нің 345-бабының 2-бөлігімен қылмыстық іс тіркеліп, тергеп-тексеру әрекеттері жүргізіліп жатыр", - делінген хабарламада.