Құран оқуда ең үздік атанған 7 жасар Мухсина Зулфиқароваға кіші қажылыққа жолдама берілді.
ERNUR.KZ. Қызылжарда Құран оқудан жарыс өтті. Діни сайысқа қатысушылардың ең кішісі 7 жасар Мухсина Зулфиқарова үздік атанып, Умра қажылығына жолдама ұтып алды, деп жазады baq.kz.
Сайыста 7 және 24 жас аралығындағы қатысушылар бақ сынасты. Облыстың түкпір-түкпірінен жиналған 100 адам арасынан құран оқудан мықтылар анықталды. Қазылар алқасы 3 номинация бойынша жеңімпаздарды анықтады. Сайыскерлер арнайы тапсырмаларды орындап, сұрақтарға жауап берді.
«Жүз жылдығынды ойласаң ағаш ек, мың жылдығынды ойласаң ұрпақ тәрбиеле» дейді халық даалығы. Бүгінгі шараның мақсаты – жастардың иманын күшейту. Олар дін қызметкері болсын деген мақсатымыз жоқ. Болашақта дәрігер, заңгер немесе тағы басқа мамандық иесі болса да, балалары иманды елдің болашағы бар, - дейді СҚО бас имамы Хамзат Қажымұратұлы.
Сайыскерлерге әр бағыт бойынша алты орын берілді. Жеңімпаздарға қаржылай сыйлықтар табысталды. Құран оқуда ең үздік атанған 7 жасар Мухсина Зулфиқароваға кіші қажылыққа жолдама берілді.
Құран оқу сайысы Қызылжар орталық мешітінде осымен екінші рет ұйымдастырылды. Имамдар игі шара дәстүрге айналатынын жеткізді.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
