Министр ауылдардағы денсаулық сақтау саласына қанша ақша бөлінетінін айтты

ERNUR.KZ. Денсаулық сақтау министрі Ажар Ғиният ауылдардағы денсаулық сақтау саласын дамытуға қанша қаражат жұмсауды жоспарлап отырғанын айтты, деп жазады tengrinews.kz.

"Біз алдын ала есептеу жүргіздік. Пилоттық ұлттық жобаны іске асыру құны, алдын ала есептеулер бойынша, 200 миллиард теңгеден асады. Оның 126 миллиард теңгесі ауылдың денсаулық сақтау саласының құрылысына жұмсалады", - деді Ғиният.

Міндетті әлеуметтік медициналық сақтандыруды үйлестіру департаментінің директоры Гүлжан Шайхыбекова басқа да шығындарды, соның ішінде ауыл тұрғындарына медициналық көмек көрсетілетінін айтты.

"Ауылдық денсаулық сақтау шығындары алғашқы медициналық-санитарлық көмек шығындарына кіреді. Бүгінгі күні 460 миллиард теңге жоспарланып отыр, оның 40 пайызы ауылға жіберіледі. Сондай-ақ міндетті әлеуметтік медициналық сақтандыру аясында ауылдық ауруханалар шығындарға қарастырылған. Ал тегін медициналық көмектің кепілдендірілген көлемі шамамен 300 миллиард теңге", - деп толықтырды ол.