Назарбаев Университетінің ғимараттарын тазалауға жыл сайын 300 млн теңге жұмсалады

23.02.2022 15:23

635

2021 жылы барлық қызметтер бір көзден – "Әкімшілік ғимараттарды пайдалану дирекциясы" ЖШС-нен жалпы сомасы 249,1 млн теңгеге сатып алынған.

ERNUR.KZ. Жыл сайын Назарбаев Университетінің жалпы ауданы 355,3 мың шаршы метрді құрайтын ғимараттарын, оның ішінде: тұрғын және тұрғын емес блоктар, 2 паркинг, атлетикалық орталық, жапон бағы және 670 санитариялық-гигиеналық жабдықтарды тазалауға шамамен 300 млн теңге жұмсалады, деп жазады Ulysmedia.kz.

Қызмет ұсынушыға мынадай талаптар қойылады:

сатып алынатын қызметтерді көрсетудің үш жылдық тәжірибесі;

сапа менеджменті және экологиялық менеджмент жүйесінің сертификаттары;

184 тазалау операторы;

құрал-жабдықтар (арбалар, еден жуатын машиналар, роторлық және экстракторлық машиналар, шаңсорғыштар және басқалар)

2019 және 2020 жылдары "Santrade" компаниясы" ЖШС 309,9 млн теңге және 179,3 млн теңге сомасымен жеңіске жеткен.

Бұл ЖШС "ҚР Жоғарғы Сотының әкімшілік ғимаратының дирекциясы" МКК қайта құру жолымен құрылды, бастапқы құрылтайшысы — Қаржы министрлігінің Мемлекеттік мүлік және жекешелендіру комитеті, қазіргі құрылтайшысы – Н.С.Мұсаев.

2022 жылы тендерді басқа компания — "ИНТЕРСОЮЗСЕРВИС" ЖШС жеңіп алды, ал "SANTRADE" ЖШС екінші орынға ие болды. Жеңімпаз компания ауданы 359,2 мың шаршы метр ғимараттарды 242,4 млн теңгеге тазаламақ.