Көпбалалы аналар бірнеше жылдан бері пәтер кезегінде тұр. Олар бұл мәселеге көңіл бөлінбей жатқанына наразы.
ERNUR.KZ. Елордада иттерге арналған тәлімбақ төңірегінде тағы да дау шықты. Ғимараттың бос тұрғанын естіген көпбалалы аналар қоныстанды, деп жазады Sputnik Қазақстан.
Негізінен, әйелдердің 6-8 баласы бар. Дені "Алтын алқа" және "Күміс алқа" иегерлері.
Олар пәтер кезегінде он жылдан бері тұрғанын айтты. Алайда баспана әлі де арман болып отыр. Көпбалалы аналар ғимарат бос тұрғанын жануарларды қорғаушылардың жазбаларынан білген. Сондықтан осы ғимаратқа қоныстанды.
Әйелдер бос ғимараттың есігі ашық тұрғанын айтты. Олар мұнда үш күн болған.
Әкімшілік ғимараттың суы мен электр жарығын сөндіріп кетті.
"Астана-Ветсервис" әкімшілігі не дейді
"Астана-Ветсервис" кәсіпорнының директоры Данияр Әбдулов болған жағдайды сейсенбі күні білгенін айтты.
"Бір жағынан бұл әйелдерді түсінемін. Олардың жағдайы қиын. Екінші жағынан бұл... нонсенс", - деді ол.
Кәсіпорын жетекшісі бұл ғимарат үшін жауапты екенін жеткізді. Сондықтан кеше, сәрсенбі күні ол жағдайды бақылау үшін көлігінде қонбақ болды. Алайда сағат 22.20-да әкімдік пен полиция әйелдермен кездесу өткізгені белгілі болды.
"Қазір ғимаратта ешкім жоқ", - деді әкімдіктің баспасөз қызметі.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
