«Оператор РОП» утильалым жинау құқығынан айырылды

Үкімет «ӨКМ Операторы» компаниясына қатысты қаулы қабылдады, деп хабарлайды ERNUR.KZ ҚР Үкіметінің баспасөз қызметіне сілтеме жасап.

«Мемлекет басшысы Қасым-Жомарт Кемелұлы Тоқаевтың тапсырмасын орындау аясында 2022 жылғы 18 қаңтарда Қазақстан Республикасының Үкіметі «Қазақстан Республикасының Экология, геология және табиғи ресурстар министрлігінің ведомстволық бағынысты ұйымдарының кейбір мәселелері туралы» Қаулы қабылдады.
Құжатқа сәйкес «Жасыл даму» АҚ мемлекеттік ұйымы өндірушілердің (импорттаушылардың) кеңейтілген міндеттемелерінің операторы болып айқындалды», - делінген хабарламада.

«ӨКМ Операторы» ЖШС-нің утилизациялық алымды әкімшілендіру және тиісті қаражаттарды басқару шеңберіндегі қызметі тоқтатылды.

«Утилизациялық алым қаражаты есебінен құрылған активтер мемлекет меншігіне берілді.
Өндірушілердің кеңейтілген міндеттемелерін әкімшілендіру функцияларын мемлекеттік ұйым – «Жасыл даму» АҚ орындайтын болды», - делінген Үкімет хабарламасында.