Әлеуметтік желіде Оралда кәсіпкер аяусыз соққыға жығылып, қаза тапқаны туралы ақпарат тарады.
ERNUR.KZ. Оқиғаға қатысты Батыс Қазақстан облыстық Полиция департаменті өкілдері пікір білдірді, деп жазады tengrinews.kz.
Ведомство мәліметінше, 11 қарашада сағат 10:05-те Орал қаласындағы облыстық көпбейінді ауруханаға 1969 жылы туған азамат жеткізілген. Алайда жәбірленуші алған түрлі жарақаттары салдарынан ауруханада жан тапсырған. Мүрдесі сот-медициналық сараптамаға жолданыпты.
"Қолданылған жедел іздестіру іс-шаралары барысында Полиция департаменті Криминалдық полиция басқармасының және Орал қаласы полиция басқармасының қызметкерлері бұл қылмысқа қатысы бар күдіктіні анықтап, қолға түсірді", - делінген хабарламада.
Ол бұрын сотталмаған, Орал қаласының 1981 туған тұрғыны екені анықталды. Күдікті Орал қаласы Полиция басқармасының уақытша ұстау изоляторына қамауға алынды.
Бұл дерекке қатысты ҚР Қылмыстық кодексінің 106-бабы 3-бөлігі (Денсаулыққа қасақана ауыр зиян келтiру) бойынша соталды тергеп-тексеру басталды.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
