Оралда мамандандырылған әкімшілік сот 42 жастағы Қанат Жанғалиевке қатысты үкім шығарды.
ERNUR.KZ. Олимпиадалық резервтегі спорт мектеп-интернатының директоры көлікті мас күйде жүргізгені үшін ұсталған, деп жазады Tengrinews.kz.
БҚО облыстық сотының баспасөз қызметі мәліметінше, 17 наурызда таңғы 05.00-тер шамасында спорт мектебінің директоры қызметтік көлікті мас күйде жүргізген. Сот-медициналық сараптамасы интоксикацияның орташа дәрежесін анықтаған. Қанат Жанғалиев өз кінәсін мойындады.
"Сот Қанат Жанғалиевті ҚР ӘҚБтК-нің 608-бабы "Жүргізушінің көлік құралын алкогольдік масаң күйде басқаруы" бойынша кінәлі деп танып, 15 тәулікке әкімшілік қамаққа алу және жеті жылға көлік құралдарын басқару құқығынан айыру жазасын тағайындады", - деді сот өкілдері.
Облыстық денешынықтыру және спорт басқармасы Жанғалиев қазір еңбек демалысында екенін атап өтті. Ол олимпиадалық резервтегі спорт мектеп-интернатының директоры болып бір жылдан астам уақыт жұмыс істеген.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
