Өзбекстанның 21 және Тәжікстанның 13 азаматы Өскемен қаласында жеке тұрғын үй құрылысымен заңсыз айналысқан.
ERNUR.KZ. Шығыс Қазақстан облысында көші-қон қызметінің мамандары құрылыс жұмыстарына заңсыз тартылған шетелдіктерді анықтады, деп жазады stan.kz.
ШҚО Полиция департаменті баспасөз қызметінің мәліметіне сүйенсек, Өзбекстанның 21 және Тәжікстанның 13 азаматы Өскемен қаласында жеке тұрғын үй құрылысымен заңсыз айналысқан. Еңбек мигранттарын тәртіп сақшылары "Учаске" жедел алдын алу шарасы аясында анықтады.
Уәкілетті органның рұқсатынсыз жер үйлердің құрылысына тартылған шет елдік азаматтар ҚР ӘҚБтК-нің 517-бабы 5-бөлігімен жауапқа тартылып, елден шығарылды.
"Сондай-ақ заңсыз мигранттарды жұмысқа қабылдаған 6 жұмыс беруші де жауапқа тартылды. Нақты айтқанда, олардың әрқайсысы 100 мың теңгеден астам мөлшерде әкімшілік айыппұл салынды. Жалпы жедел алдын алу шарасы басталғалы бері облыс бойынша ҚР көші-қон заңнамасын бұзғаны үшін жүзден астам адам әкімшілік жауапкершілікке тартылған", - делінген ақпаратта.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
