Енді шекарадан өтетін азаматтарға коронавирус жұқтырмағанын растайтын ПТР-тест нәтижесін көрсетудің қажеті жоқ
ERNUR.KZ Өзбекстан мен Қазақстан вакциналау сертификаттарын өзара мойындау туралы келісті, деп жазады Sputnik.kz
Бұл туралы Өзбекстанның санитарлық-эпидемиологиялық бақылау қызметі мәлімдеді.
Енді вакциналау туралы ұлттық сертификаты бар екі ел азаматтарына Қазақстан мен Өзбекстан шекарасынан өту кезінде коронавирус инфекциясын жұқтырмағаны туралы ПТР-тест нәтижесін көрсетудің қажеті болмайды. Бұл шешім 18 наурыздан бастап күшіне енді.
Сонымен қатар азаматтың вакциналау туралы сертификаты болса, оған ілесуші 5 жастан кіші балаларға тест тапсырудың қажеті жоқ. Ал бұл жастан жоғары балалар өздерін ертіп жүрген ересектердің коронавирусқа қарсы екпе салдырғанына қарамастан әлі де ПТР-тест нәтижесін көрсетуге міндеттеледі.
Сондай-ақ шетел азаматтарына электронды виза (E-VISA) рәсімдеу және беру жүйесінің жұмысы қайта қалпына келтіріліп жатыр.
Бұған дейін Ресей коронавирусқа байланысты Өзбекстанға ұшуды тоқтатқан рейстерді қайта іске қосты.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
