Табылған есірткінің нарықтық құны шамамен 14 млн теңге.
ERNUR.KZ. ҚР ҰҚК-нің Павлодар облысы бойынша департаменті жедел-іздестіру шаралары барысында "гидропоника" әдісін қолданып есірткі өсімдіктерін заңсыз өсірумен айналысқан павлодарлықты ұстады, деп жазады zakon.kz.
Атап айтқанда, 2020 жылдың 25 мамырында жалға алынған гаражда тиісті құрал-жабдықтармен жабдықталған есірткі зертханасында қолдан өсірілген "голланд" және "мексика" сорттарының 28 элиталық қарасора түбі табылды (нарықтық құны шамамен 14 млн теңге), сондай-ақ сатуға дайындалған дәрілік заттар да шықты, - дейді ведомствадағылар.
Аталған факті ҚР Қылмыстық кодексінің 277-бабының 3-бөлігі, яғни "Есірткі , психотроптық заттарды, олардың баламасын сату немесе өткізу мақсатында заңсыз дайындау, өңдеу, иемдену, сақтау, тасымалдау" бойынша сотқа дейінгі бірыңғай тізілімге тіркелді.
Тәркіленген заттар бойынша сот-химиялық сараптама тағайындалды. Сотқа дейінгі тергеу жалғасуда.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
