Павлодарлық хирург неліктен баланы үйде сүндеттеуге болмайтынын айтты

16.06.2021 08:52

817

Сүндеттеу операциясы ешбір жағдайда үйде жасалмайды, себебі анафилактикалық шок болған жағдайда ешкім көмектесе алмайды, дейді дәрігер.

Иллюстрациялық сурет: mazhab.kz

ERNUR.KZ. Павлодарлық хирург сүндетке отырғызу рәсімін медициналық мекемелерде өткізуге кеңес берді. Облыстық балалар ауруханасының бірінші санатты хирург-дәрігері Мұхит Ақшолақов мұндай операцияны тек тәжірибелі маман ғана жасау керек екенін айтады, деп жазады Pavlodarnews.kz.

"Әдетте бұл процедура ұлдарға 3, 5, 7 жаста жасалады. Ешбір жағдайда сүндеттеу үйде жасалмайды. Бұл операция және анестезия кезінде жасалады. Себебі анафилактикалық шок кезінде үйде ешкім көмектесе алмайды", – дейді дәрігер.

Операция 15 минутқа созылады, қалпына келтіру кезеңі шамамен екі аптаға созылады.

Хирург бүгінде көптеген павлодарлық діні мен ұлтына қарамастан бұл процедураны ұлдарына гигиеналық тазалық тұрғысынан жасатқызатынын айтады.

Айта кетейік, қазақта ұл баланы сүндетке отырғызу дәстүрі әлі де сақталып келеді.

Сүндетке отырғызар алдында әрбір ата-ана баласын алдын ала психологиялық тұрғыдан дайындайды.