Петропавлда 5-қабаттан құлаған екі жасар сәби шетінеп кетті

иллюстрациялық фото: ашық дереккөзден

ERNUR.KZ. Петропавл қаласында екі жасар сәби 5-қабаттан құлап, шетінеп кетті, деп жазады Sputnik Қазақстан.

Қайғылы оқиға 11 маусым күні сағат 12:35-те Шоқан Уәлиханов көшесінің бойында орналасқан үйлердің бірінде болған.

"Бес қабатты тұрғын үйдің 5-қабатынан 2017 жылы дүниеге келген ер бала құлап кетті. Ол үйде ата-анасының қарауынсыз қалған", - дейді төтенше жағдайлар комитеті.

Оқиға орнына жедел жәрдем қызметі жетті. Алайда бүлдіршіннің көз жұмғаны анықталды.

Төтенше жағдайлар департаменті ата-аналарға баланы үйде жалғыз қалдырмауға және оларға қауіпсіздік ережелерін түсіндіруге кеңес береді.