Президенттік кадр резервіне 180 әскери қызметші кірді

Президенттің кадрлық резервіне 180 әскери қызметші кірді, деп хабарлайды ERNUR.KZ ҚР Қорғаныс министрлігінің ресми сайтына сілтеме жасап.

Олардың бәрі Қазақстан Республикасы Қарулы Күштерінің офицерлері мен генералдары.

Президенттік резерв – бұл Қарулы Күштердің жоғары қолбасшылығына ұсынылатын офицерлердің тізімі. Желтоқсан айында Қауіпсіздік Кеңесінің Хатшысы біліктілік сынақтарынан сәтті өткен 155 офицер мен 25 генералдың тізімін бекітті.

Резерв мемлекеттік басқару жүйесін жақсарту үшін құрылған. Іріктеудің жаңа жүйесі жоғары лауазымдарға ұсыну үшін ең лайықты үміткерлерді анықтауға мүмкіндік береді. Мұндай тәжірибе Ресейде, АҚШ-та, Жапонияда және басқа елдерде сәтті қолданылады.

Оған Қорғаныс министрінің қызметтегі орынбасарлары, Бас штаб бастығының орынбасарлары, әскер түрлері мен тектерінің, өңірлік қолбасшылықтар әскерлерінің бас қолбасшылары және олардың орынбасарлары, орталық аппараттың құрылымдық бөлімшелерінің бастықтары, әскери оқу орындарының бастықтары, әскери бөлімдердің командирлері, Ұлттық қорғаныс университетінің магистранттары және басқа да перспективалы басшылар кірді.

Президенттік резервке қабылдану үшін үміткерлер ақпаннан мамырға дейін көп деңгейлі іріктеуден өтті. Қорғаныс министрлігінің Жоғары аттестаттау комиссиясы арнайы тексеру жүргізіп, олардың қызметтік жұмысының нәтижелерін, жеткен жетістіктерін, жеке және кәсіби қасиеттерін зерделейді. Осыдан кейін ғана түпкілікті шешім қабылданды.

Президенттік резерв басшы лауазымдарға орналасуға үміткерлерге ағымдық және перспективалық қажеттіліктің болжамы ескеріп, жыл сайын қалыптастырылады.

Үміткер онда үш жылдан артық болмауы тиіс. Мерзім аяқталғаннан кейін жоғары аттестаттау комиссиясы оны алып тастау немесе оның қатысуын ұзарту туралы шешім қабылдайтын болады.