Риддердегі жылу электр орталығында күл шығару жүйесіндегі сорғы істен шығып, №1 қазандық агрегатының қосалқы жабдығы апатты жағдайда ажыратылған болатын.
ERNUR.KZ. Шығыс Қазақстан облысы Риддер қаласындағы төтенше жағдайға байланысты мектеп оқушылары 11 қарашаға дейін қашықтан оқиды, деп жазады ҚазАқпарат.
Риддердегі жылу электр орталығында күл шығару жүйесіндегі сорғы істен шығып, №1 қазандық агрегатының қосалқы жабдығы апатты жағдайда ажыратылған болатын.
Соның салдарынан жылу тасығыштың температурасы төмендеді. Қазіргі уақытта Риддер қаласының 22 мыңнан астам абонентіне жылу беру азайтылды.
Осыған орай Риддерде жергілікті ауқымда төтенше жағдай жарияланды.
Шұғыл түрде арнайы штаб құрылып, мәселе ШҚО әкімінің бақылауына алынған.
«Төтенше жағдайға орай Риддер қаласының білім бөлімі басшысы міндетін атқарушының бұйрығымен 7-11 қараша аралығында мектеп оқушылары қашықтан оқыту форматына көшті. Осы уақыт ішінде қаланың мектепке дейінгі мекемелері өз жұмысын тоқтатады», - деп хабарлады ШҚО әкімдігінен.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
