Рудныйда жыныстық зорлық-зомбылық белгілері бар ит табылды

0
1 262

Жергілікті полиция департаменті ықтимал қылмысты анықтауға уәде беріп отыр.


Рудныйда жыныстық зорлық-зомбылық белгілері бар ит табылды

ERNUR.KZ. Рудныйда (Қостанай облысы) жыныстық зорлық-зомбылықтың іздері бар болуы мүмкін азапталған иттің өлексесі табылды, деп жазады ulysmedia.kz.

Иттің өлексесін жергілікті тұрғын тауып алған. Ол бұталардың арасынан иттің азапталған денесін байқаған, өлексенің іші түсіп кеткен, жанында қанды презерватив жатыр. Оқиға орнына еріктілердің бірі барғанда, иттің денесі ол жерден жоғалып кеткен.

Жергілікті полиция департаменті ықтимал қылмысты анықтауға уәде беріп отыр.

"Қала қатыгездікке батқан. Біз әрбір кішкентай өмір үшін күресеміз, емдейміз, соңғы мүмкіндікті қолданамыз, ал біреу бейкүнә және қорғансыз жануарды аяусыз жойып, оны азапты өлімге ұшыратады. Адамдарға не болған? Біз күн сайын қатыгездік туралы біліп жатамыз. Көліктен жарақат алу, үйсіздерді де, үйдегілерді де ұрып-соғу, жертөлелерде мысықтарды улау, жертөле тесіктерін бітеп, қыста мысықтарды өлімге ұшырату, күшіктерді қорапқа салып лақтыру, таза тұқымды иттерді сойып, енді зорлап жатыр», – деп наразылығын білдірген рудныйлық еріктілер.