Семейде екіқабат келіншек сұмдық жағдайды бастан кешірді

ERNUR.KZ. Семейде жедел-жәрдем бригадасының дәрігерлері дәрі қабылдап, анафилактикалық шокты бастан кешірген әйелді аман алып қалды, деп жазады sputniknews.kz.

22 ақпан күні дәрігер Роман Мерибаев пен Ержан Мұратов жедел жәрдем шақырған үйге барды.

"Олар мекенжайға келгенде 33 жастағы жүкті әйел дәрігер тағайындауынсыз дене қызуын түсіретін дәрі қабылдағанын білген. Науқасқа III-IV дәрежесіндегі анафилактикалық шок диагнозы қойылды. Соның салдарынан тек жүкті әйелдің өміріне ғана емес, құрсағындағы балаға да қауіп төнді", - деп жазады Семей қалалық медициналық жедел жәрдем қызметінің баспасөз қызметі.

Жедел жәрдем бригадасының дер кезінде тиісті көмек көрсетуінің нәтижесінде болашақ ананың жағдайы қалыпқа келді. Ал 11 сағаттан кейін ол аман-есен ұл босанды.

Дәрігерлер ана мен сәбидің жағдайы жақсы екенін айтып отыр.