Жақында Манас Көшербаев Ақтөбе облысындағы Байғанин аудандық мәдениет үйін басқаратыны белгілі болған еді.
ERNUR.KZ. Жартасқа жазуды ойып жазған шенеунік тағы қызметінен босатылды. Бұл туралы мәдениет вице-министрі Қанат Ысқақов айтты, деп жазады tengrinews.kz.
Жақында Манас Көшербаев Ақтөбе облысындағы Байғанин аудандық мәдениет үйін басқаратыны белгілі болған еді. Енді шенеунік бұл қызметінен де айырылған.
"Байғанин аудандық мәдениет, тілдерді дамыту, дене шынықтыру және спорт бөлімі басшысының 2024 жылғы 27 наурыздағы бұйрығымен Манас Көшербаев берген өтінішіне сәйкес қызметінен босатылды", - дейді вице-министр.
Министрлік мәдениет бөлімі басшысы ұсынған бұйрықты көрсетті.
Бұған дейін БАҚ-тарда Маңғыстаудағы Ыбықты сай шатқалында ойып жазу жазған ер адамның әрекеті видеоға түсіп қалғанын хабарланған. Ер адам балға, бұрағышқа ұқсас затпен жартасқа ойып жазған. Әлеуметтік желілерде ер адамның әрекеті көрінетін видео жарияланды.
Кейіннен ол қызметінен босатылған болатын.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
