Қызметкерлер оқиғаның барлық қатысушысын ұстады.
ERNUR.KZ. Салынып жатқан учаске ғимаратының басшысы сиырға қатысты болған жайт үшін кешірім сұрады. Үш ер адамның кешірім сұраған видеосын Нұр-Сұлтанның полиция өкілдері жариялады, деп жазады Tengrinews.kz.
"Мен бүгінгі оқиға болған салынып жатқан нысанның басшысымын. Болған оқиғаға қатысты қоғамнан кешірім сұрайын деп едім. Жаман ой болған жоқ - Құрбандық жасап, етті жағдайы төмен отбасыларға бергіміз келген, бірақ... Тағы да ел азаматтарынан болған жайтқа байланысты кешірім сұраймын", - деді ер адам.
Полицейлер оқиға 15 ақпанда сағат 11.30-да Нәжімеденов көшесінде салынып жатқан тұрғын үйде болғанын айтты.
"Қызметкерлер оқиғаның барлық қатысушысын ұстады. Бұл дерек бойынша тексеріс жүріп жатыр. Заңға сәйкес шара қолданылады", - деді полиция өкілдері.
Еске салайық, бүгін Нұр-Сұлтанда белгісіз біреулер сиырды үй төбесіне көтергені хабарланды. Куәгерлер оқиғаны видеоға түсіріп алған.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
