Киім үлгісі ерлер үшін - сұр түсті, әйелдердікі - жасыл түсті, ал тәртіптік изоляторлардағы және жалғыз адамдық камералардағы сотталғандар үшін – қызғылт сары түсті болады.
ERNUR.KZ. Ішкі істер министрі 2023 жылғы 14 шілдедегі бұйрықпен сотталғандардың киім үлгісін бекітті, деп жазады Inbusiness.kz.
Сотталғандардың жазғы киім үлгісінде шалбарының балақтары мен күртешенің жеңдеріне, сондай-ақ бүкіл арқа тұсы мен кеуде тұсын бойлай тігілген, ені 2,5 сантиметр болатын жарық шағылыстырғыш бір жолағы бар күртеше және шалбар қарастырылған:
- сотталған ерлер мен кәмелетке толмаған ұлдар үшін – сұр түсті;
- сотталған әйелдер мен кәмелетке толмаған қыздар үшін – жасыл түсті;
- тәртіптік изоляторлардағы және жалғыз адамдық камералардағы сотталғандар үшін – қызғылт сары түсті.
Өмір бойына бас бостандығынан айыруға сотталғандар үшін шалбарының балақтары мен күртешенің жеңдеріне, сондай-ақ бүкіл арқа тұсы мен кеуде тұсын бойлай көлденеңінен арасынан 2 сантиметр қалдырып тігілген, әрқайсысының ені 2,5 сантиметр жарық шағылыстырғыш екі жолағы бар күртеше мен қоңыр түсті шалбар беріледі.
Бас киім – су өткізбейтін матадан тігілген кепка (әйелдер үшін – үшкіл орамал).
Ал түрмеде жазасын өтеп жақанда қысты күні шалбарының балақтары мен күртешенің жеңдеріне, сондай-ақ бүкіл арқа тұсы мен кеуде тұсын бойлай тігілген, ені 2,5 сантиметр болатын жарық шағылыстырғыш бір жолағы бар күртеше және шалбар киеді:
сотталған ерлер мен кәмелетке толмаған ұлдар үшін – сұр түсті;
сотталған әйелдер мен кәмелетке толмаған қыздар үшін – жасыл түсті.
Бас киім – иірілген 2 немесе 3 жіптен тоқылған бөрік.
