Сотталғандарға рақымшылық жасалады

ERNUR.KZ. «Қазақстан Республикасы тәуелсіздігінің 30 жылдығына байланысты рақымшылық жасау туралы» заң жобасы мәжілістің қарауына келіп түсті.Құжат Президент Қасым-Жомарт Тоқаевтың 2020 жылғы 29 қазандағы тапсырмасын орындау мақсатында әзірленді, деп хабарлайды inbusiness.kz.

«Заң жобасы Қазақстан Республикасы Тәуелсіздігінің 30 жылдығы мен гуманизм қағидаттарының негізінде қылмыстық-атқару жүйесі мен пробация қызметінің есебінде тұрған адамдарды жазадан және қылмыстық жауапкершіліктен босатуға, жазаның өтелмеген бөлігін қысқартуға бағытталған», – деді заңнама және сот-құқықтық реформа комитетінің төрағасы Арман Қожахметов.

Мәжілісменнің мәлімдеуінше, рақымшылық қоғам мен мемлекетке қауіп төндірмейтін қылмыс жасаған азаматтарға қолданылады.