Тауға бармаңыздар: ШҚО-да қар көшкініне байланысты ескерту жасалды

ERNUR.KZ. Шығыс Қазақстан облысында алдағы 3 күнде қар көшкіні жүруі мүмкін, деп жазады Kazinform.

ШҚО төтенше жағдайлар баспасөз қызметінің мәліметіне сүйенсек, 6-8 қаңтар аралығында өңірде қар көшкіні жүру қаупі бар.

«Метеорологиялық жағдайдың өзгеруіне, жиі қар жаууына және желдің күшеюіне байланысты облыстың таулы жерлерінде қар көшкіні түсуі ықтимал. Осы ретте тұрғындарға барынша абай болуды, ешбір жағдайда тауға шықпау қажеттігін ескертеміз. Егер қандай да бір қиындыққа тап болсаңыз, бірден 112 нөміріне қоңырау шалыңыз», — деп хабарлады ведомство өкілдері.

Сондай-ақ құтқарушылар өңір жұртшылығына алыс сапарға шығар алдында жолдың жай-күйін «Дәрмен» мобильді қосымшасы арқылы тексеріп отыруға кеңес берді.